Volven os peregrinos a Portomarín: “nun momento eran máis de cen”

O municipio dá conta dun incremento "significativo" de persoas que van camiño a Compostela.

Peregrinos fan o Camiño de Santiago.. XUNTA - Arquivo

O alcalde de Portomarín, Juan Serrano, celebra que aumentase “significativamente” o fluxo de peregrinos que pasan polo municipio facendo o Camiño a Santiago, cunha maior presencia tamén en canto a pernoctacións. Serrano congratulouse que se empezo a “notar que comezan a vir” camiñantes despois de rexistrarse “cero peregrinos durante moito tempo”, pero “xa se comezan a ver grupos”.

“E isto é positivo, xa non só desde o punto de vista económico, senón desde o punto de vista psicolóxico, porque anima moito volver ver xente polo concello e polo Camiño”, destacou. O alcalde de Portomarín explica que estes días por algunha parte do Camiño, entre as 8,00 e 9,00 horas, podíanse ” contar máis de 20 persoas”. “Nun momento álxido era máis de cen, pero agora ven facendo o Camiño entre 20 e 25 persoas, e non está mal”, sinalou.

No tocante ás pernoctacións, apunta que o pasado domingo se superaba o centenar de peregrinos que facían noite no Concello de Portomarín. “Eu sempre dixen que co Camiño non había nada que facer por el, que se ía a recuperar de forma automática. Iso si, temos que readaptar algún paquete”, opina.

A este respecto observa complicacións para durmir nos albergues, ao estar “con moita xente” ante as prevencións sanitarias pola pandemia. Esa tendencia de utilizar os albergues cámbiase agora por “habitacións individuais, que ten máis percorrido e agora é máis lóxico”.

DEIXAR UN COMENTARIO

Please enter your comment!
Please enter your name here