InicioCulturaCinco espectáculos por diferentes puntos de Lugo pecharán a novena edición do...

Cinco espectáculos por diferentes puntos de Lugo pecharán a novena edición do Festival Atlántica

Hai programadas actividades en Outeiro de Rei, Mondoñedo, Folgoso do Courel e Alfoz.

PUBLICADA O

- Advertisement -

Esta fin de semana a provincia de Lugo será o escenario de boa parte da programación do festival Atlántica. Están previstos un total de cinco espectáculos en Outeiro de Rei, Mondoñedo, Folgoso do Courel e Alfoz. Todas as funcións son gratuítas, pero para asistir a algunhas delas cómpre reservar por adiantado.

A oferta para o público infantil e familiar comezará coa ‘Festa dos monicreques’ de Larraitz Urruzola. O espectáculo será o sábado ás 19 horas no Alfar dos Muíños, en Mondoñedo. Os pequechos e as súas familias terán outra opción cultural con ‘Utopías’ de Atenea García, un espectáculo que combina a narración oral e a manipulación de obxectos. A función será tamén o sábado ás 7 da tarde pero na Casa Museo Manuel María en Outeiro de Rei.

ESPECTÁCULOS PARA OS ADULTOS

A galega Charo Pita e o guipuscoano May Gorostiaga achegaranse o sábado ata o Castro de Vilar no Folgoso do Courel para ofrecer unha sesión dobre de contos dirixida aos adultos. Comezarán ás 19 horas e que terán entrada libre ata completar o aforo. As actividades do sábado rematarán cunha actuación de Quico Cadaval no Castelo de Castrodouro en Alfoz ás 20:30 horas.

ALFOZ, ESCENARIO DE CLAUSURA DO FESTIVAL

O domingo 11 de xullo, a partir das 20 horas, o Castelo de Castrodouro de Alfoz vai ser o lugar da clausura oficial da novena edición do Festival Atlántica. O espectáculo ‘Heroes que dormen, heroes que resisten, heroes que mudan’ consiste nunha mestura de música e historias sobre a Historia artellada por Manuel Gago coa colaboración dos músicos Mano Panforreteiro e Teresa Jareño. Nesta ‘conferencia musicada’ explóranse os mecanismos de resiliencia, resistencia e subversión polos que na cultura galega se forxan os heroes que viven, presentes ou agachados, no imaxinario común.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...