Un ciclista de 47 anos faleceu na mañá deste domingo cando circulaba polo concello de Outeiro de Rei. A central do 061 recibiu aviso ás 11.50 horas de que un ciclista quedara tendido na estrada que une San Fiz e Mosteiro.
Dende Urxencias coordinaron o desprazamento dunha ambulancia medicalizada do 061 e persoal sanitario do Punto de Atención Continuada (PAC) de Outeiro de Rei. Ata o lugar acudiron tamén efectivos dos Bombeiros de Vilalba e da Garda Civil de Tráfico.
Malia os esforzos dos operarios, non puideron facer nada por salvar a vida do home, que faleceu no sitio. Segundo fontes da investigación, o falecido sufriu un forte golpe na cabeza logo de caerse ao chan de maneira accidental.