A sección segunda da Audiencia Provincial de Lugo condenou a cinco persoas importar desde Ecuador a Galicia media tonelada de cocaína. O tribunal impuxo catro penas de nove anos de cadea por delitos de tráfico de drogas, coa atenuante de dilacións indebidas, nove anos de cárcere e unha multa de 70 millóns de euros. O quinto acusado foi condenado a abonar a mesma multa e a once anos de prisión, pola agravante de reincidencia.
A cocaína introducida en contedores a través do porto de Marín foi taxada pericialmente en 17,8 millóns de euros. Os xuíces consideran probado que os sospeitosos mantiveron contactos e reunións no Corgo e Madrid co obxecto de introducir a droga camuflada como peixe conxelado.
Así, segundo consta na sentenza, simularon operacións comerciais que tiñan por obxecto a importación do peixe conxelado a través da empresa da que era administrador único un dos acusados. A cocaína foi localizada en setembro de 2010 no porto de Marín, a onde chegou en separada en dous contedores transportados por un buque de mercadoría procedente de Ecuador.