A navalladas nun centro social de Lugo por unha partida de dominó

A liorta involucrou a dous usuarios do centro Maruja Mallo, de avanzada idade, que discutían polo dominó e aos que se lles interviron senllas navallas

Dous anciáns terán que declarar logo de enlearse a navalladas no centro social Maruja Mallo | Google
Dous anciáns terán que declarar logo de enlearse a navalladas no centro social Maruja Mallo | Google

EFE – A Policía investiga as circunstancias que levaron a dous anciáns, de 72 e 82 anos, a enlearse a navalladas no centro Maruja Mallo de Lugo. A liorta, na zona pública do complexo, iniciouse aparentemente a consecuencia da discusión que seguiu a unha partida de dominó.

Fontes do Corpo Nacional de Policía informaron á axencia EFE de que o suceso aconteceu o pasado luns, contra as seis da tarde. Como consecuencia da agresión mutua, ámbolos anciáns resultaron feridos e tiveron que recibir atención médica.

Os axentes da orde que se persoaron no lugar dos feitos interviñeron dúas navallas, unha de 6 e outra de 8 centímetros. Os dous implicados serán chamados a declarar para expor cadansúa versión acerca do acontecido.

DEIXAR UN COMENTARIO

Please enter your comment!
Please enter your name here