InicioEconomíaO BNG propón que traballar no casco histórico facilite vivir na Tinería

O BNG propón que traballar no casco histórico facilite vivir na Tinería

Os nacionalistas proporán no Parlamento que a Xunta puntúe favorablemente a quen traballe no casco histórico e solicite alugar as vivendas públicas da Tinería

PUBLICADA O

- Advertisement -

“Promover que as persoas que traballan no barrio, vivan no barrio”. Así sintetizou Rubén Arroxo, candidato á alcaldía de Lugo, a proposta que o Bloque Nacionalista Galego levará ao Parlamento de Galicia. En compañía da parlamentaria Olalla Rodil, o alcaldable nacionalista anunciou que se proporá á Xunta de Galicia dar facilidades a quen traballa no casco histórico para acceder á vivenda pública na Tinería.

“No noso modelo de cidade está manter os barrios vivos, e o caso da Tinería é un claro exemplo onde a administración ten as ferramentas para potenciar a vida no barrio se implementa as medidas necesarias”. Arroxo refírese ao aluguer das vivendas propiedade do goberno galego, que xestiona o Instituto Galego de Vivenda e Solo.

Dende o BNG explican que hai persoas que emprenden e non acadan a puntuación necesaria para acceder ao aluguer destas vivendas. Por iso, a iniciativa parlamentar procura que os propietarios de negocios no centro da cidade e traballen neles poidan obter mellor puntuación para acceder á vivenda pública.     

“Se queremos que o barrio se manteña vivo, e contribuír a que funcionen as iniciativas de actividade económica, hai que dar as máximas facilidades” dixo Arroxo. “É evidente que debe existir un baremo para a adxudicación e entendemos que o establecido na actualidade é correcto, pero entendemos que tamén hai que valorar ás persoas que traballen no entorno do centro da cidade e no propio barrio da Tinería”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...