InicioSociedadeA Xunta terá que readmitir en Lugo ao empregado contra o que...

A Xunta terá que readmitir en Lugo ao empregado contra o que tomou represalias

O Tribunal Superior de Xustiza de Galicia considera que o despedimento do empregado foi unha represalia por presentar dúas demandas contra a administración

PUBLICADA O

- Advertisement -

O Tribunal Superior de Xustiza de Galicia declarou nulo o despedimento do traballador do laboratorio de sanidade animal de Lugo, obrigando á Xunta de Galicia a readmitilo cunha indemnización de preto de 30.000 euros. O cese produciuse a raíz de dúas demandas que o empregado presentou contra a propia administración, o que é apreciado polo alto tribunal como unha vulneración dos dereitos laborais fundamentais.

A Xunta de Galicia ten pendente varias por motivos semellantes no mesmo centro de investigación. Dende a Confederación Intersindical Galega, entidade que solicitou o recurso, entenden que a administración autonómica “debería ser exemplo de respecto e de garantir o cumprimento da legalidade nas súas relacións laborais”. 

O empregado en cuestión prestaba servizos no laboratorio de sanidade animal de Lugo, dependente de Medio Rural, dende o ano 2006. Resultou despedido en novembro de 2017 cando lle comunicaron a extinción do contrato de interinidade; inicialmente, o despedimento foi declarado improcedente e condenouse á Xunta a indemnizalo coa cantidade de 28.000 euros.

Represalias

Aliás, o TSXG declara a nulidade do despido aceptando as alegacións feitas no recurso, dconsiderando “que o cese do traballador é unha clara consecuencia de ter presentado dúas demandas, pouco tempo antes do cese, contra a administración empregadora”.

Na decisión xudicial arguméntase que se vulnera o dereito de tutela xudicial efectiva cando a causa do despido é a represalia contra a persoa que leva a cabo o exercicio dunha acción xudicial, e considérase probado tamén que se vulnera a garantía de indemnidade, xa que se adoptaron medidas de represalia derivadas das actuacións do traballador encamiñadas a obter a tutela dos seus dereitos.

Como consecuencia do fallo da sentenza, que é firme, o empregado deberá ser readmitido no seu posto e corresponde á Xunta aboar os salarios dende o momento do despedimento ata a readmisión, polo que lle terá un custe de arredor de 30.000 euros. Os feitos serán denunciados na Inspección de Traballo para que determine se procede a apertura de acta de infracción polos feitos declarados probados.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...