InicioLugo e contornaLugoLugo Monumental esixe "máis seguridade" para o centro da cidade tras os...

Lugo Monumental esixe “máis seguridade” para o centro da cidade tras os novos altercados a fin de semana

Advirte da necesidade de incrementar a seguridade dende o punto de vista humano e tamén patrimonial.

PUBLICADA O

- Advertisement -

O presidente da asociación Lugo Monumental, que comprende distintos negocios do centro histórico da cidade de Lugo, Luís Latorre, esixiu “máis seguridade” e máis cámaras de vixilancia para o centro da capital luguesa esta pasada fin de semana.

Así o demandou Latorre despois de que un mozo de nacionalidade brasileira fora acoitelado durante unha pelexa que se produciu durante a madrugada do sábado ao domingo na rúa Catedral. O mozo foi atendido no Hospital Universitario Lucus Augusti (HULA) de Lugo, despois desta liorta na que participaron varios mozos e na que foi precisa a intervención da Policía Nacional para separar aos implicados.

Latorre indicou que por parte desta asociación están “fartos de pedir unha e outra vez máis seguridade no centro histórico porque hai dúas cuestións, unha é a parte humana como a esta persoa á que lle deron unhas navalladas e logo está a parte patrimonial onde hai cousas que si se destrúen, como os herraxes da Catedral, non ten solución e iso está a pasar”, avisa.

O presidente de Lugo Monumental volveu a pór o acento en que, ademais, están “aburridos” de pedir “cámaras de seguridade”. “Hai unha que se acaba de renovar que é para vixiar os accesos ao centro e pór multas, para iso si hai cámaras pero para a seguridade patrimonial e cidadá parece que non”, protestou.

No lugar onde se produciu este incidente, na rúa Catedral, Luís Latorre puntualizou que “está a haber aí algúns incidentes que confío que se atallen, é unha zona que está a se degradar e é unha pena porque falamos do centro histórico”.

Por parte do grupo municipal do PP no Concello de Lugo, o seu viceportavoz Antonio Ameijide, esixiu ao goberno local actuacións “urxentes” para deter a “espiral de roubos e violencia que se suceden, cada vez con máis frecuencia, en Lugo”.

Ameijide lanzou dita “esixencia” despois de coñecer “o terrible suceso que tivo lugar na madrugada do sábado ao domingo na contorna da Catedral, unha batalla campal que concluía, polo menos, cun ferido por arma branca”.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...