InicioCulturaLugo busca unha maior promoción internacional da muralla

Lugo busca unha maior promoción internacional da muralla

Maite Ferreiro puxo en valor os traballos que se están a facer de face ao exterior da muralla.

PUBLICADA O

- Advertisement -

A concelleira de Cultura do Concello de Lugo e vicepresidenta da Deputación, a nacionalista Maite Ferreiro, anunciou antes do pleno provincial que o Consistorio traballará por unha “maior” promoción internacional da muralla romana da cidade.

Unhas declaracións que realizou no marco do 21 aniversario da declaración de Patrimonio da Humanidade pola Unesco, no ano 2000 e co socialista Xosé López Orozco como alcalde da cidade entón.

Ferreiro destacou que dita declaración supuxo un “impulso moi importante” para a cidade, pondo o acento en “o que se fixo desde o goberno local para dar valor á muralla, con actuacións como a das beirarrúas na zona da porta de Santiago”. “Era unha zona da muralla que non se podía percorrer polo seu exterior”, rememorou.

Ademais, resaltou os traballos que se están executando para “a peonalización da praza da Mosqueira, unha obra que vai cambiar de forma importante a perspectiva desa fermosa zona da muralla”.Pero onde fixo máis fincapé é en “o traballo de face ao exterior da muralla”. “Porque aínda segue sendo moi descoñecida e cremos que é un lugar a visitar, porque a muralla é a única do mundo que está completa da súa época”, defendeu.

E nesta conxuntura, fixo un chamamento, ademais, aos veciños da cidade a participar das distintas actividades organizadas polo goberno local ao pé do monumento con motivo do aniversario.

ÚLTIMAS

Acepta 10 anos de prisión por dúas violacións, pero só cumprirá seis meses antes de ser expulsado do país

Un home de nacionalidade colombiana confesou este xoves na Audiencia Provincial de Lugo ser...

Detido en Lugo por apuñalar a outro home tras unha discusión na rúa

A Policía Local de Lugo detivo a un home por apuñalar cunha navalla a...

Toma posesión a nova presidenta da Audiencia Provincial de Lugo

A maxistrada Sandra María Piñeiro Vilas tomou este xoves posesión como presidenta da Audiencia...

A Policía detén dous homes por presunta violencia machista en dous días consecutivos

A Policía Local de Lugo detivo o domingo e o luns a dous homes...