InicioLugo e contornaLugoAgreden a unha hostaleira en Lugo por tentar evitar que marcharan sen...

Agreden a unha hostaleira en Lugo por tentar evitar que marcharan sen pagarlle a consumición

A Policía tamén tivo que intervir por agresións entre usuarios do skatepark.

PUBLICADA O

- Advertisement -

A Policía Local de Lugo detivo a un home como presunto autor dun delito de violencia de xénero, mentres que varios mozos foron identificados por suposta agresión á propietaria dun local de hostalaría. Ademais, tivo que intervir por agresións entre usuarios do skatepark.

Ás 16,00 horas do sábado, axentes desprazáronse a unha local hostalaría da rúa Ángelo Colocci xa que o seu titular aseguraba ter sido agredido por varios mozos que se negaban a abonar as consumicións.

En concreto, dixo que un deles propinoulle varias labazadas, o que confirmaron os fillos da muller, que tamén sufriron lesións de carácter leve ao tentar evitar a agresión. Coa axuda da Policía Nacional, identificouse aos presuntos autores.

AGRESIÓN NO SKATEPARK

Ademais, ás 19,15 horas do sábado,unha patrulla de Policía de Barrio trasladouse ao skatepark, xa que, segundo unha chamada telefónica, había un grupo de mozos que estaba a agredir a outro. Unha vez no lugar, son recibidos por un grupo de menores, que explica que outro grupo golpeara a un deles sen motivo aparente algún.

Durante a intervención presentouse outra moza máis, tamén menor, que asegura que foi agredida polo mesmo grupo, presentando unha pequena erosión nun pómulo. Os policías proceden á identificación de todos os implicados e, ao tratarse de menores de idade, contactan cos seus respectivos proxenitores, que se fan cargo dos mesmos, sendo informados o procedemento para seguir para formular denuncia polos feitos. O grupo dos presuntos agresores argumentou que foron “provocados” polos outros.

VIOLENCIA DE XÉNERO

Segundo recolle o parte de incidencias, ás 07,25 horas do sábado, a Sala do 092 recibiu unha chamada na que unha muller pedía axuda, cortándose daquela a comunicación.

Cando o operador de Sala atopábase realizando xestións para tentar pescudar a orixe da chamada, recibiu outro aviso, do Servizo de Emerxencias 112, no que unha veciña dun edificio da rúa República Arxentina manifestaba estar a ver a unha muller asomada á xanela dun piso próximo pedindo axuda.

Unha vez no lugar, a muller, chorando, indicoulles que saíra pola noite coa súa parella, retirándose ela antes a casa e que, ao ver que o home quedaba, motivada polos celos, rompeu diversos aveños, o que cabreou o home cando chegou ao domicilio. Tamén dixo que este a agarrou por un brazo e tirouna ao chan, producíndolle diversas lesións no brazo, algo que, posteriormente, recoñecería tamén o home, que foi detido.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...