O Sergas confirmou a aparición dun novo brote de coronavirus no municipio de Lugo, neste caso vinculado ao equipo de tríatlon do Club Fluvial.
En declaracións a Efe, o xerente da área sanitaria de Lugo, A Mariña e Monforte de Lemos, Ramón Ares, informou de que, de momento, foron confirmados cinco casos positivos, aínda que non se descarta a aparición de novos infectados nas próximas horas.
Para cortar canto antes as cadeas de transmisión, o Sergas iniciou o protocolo para identificar a posibles positivos asintomáticos. “Vaise a cribar a toda a xente que practica esta actividade”, explicou Ares, porque puido estar en contacto nalgún momento coas persoas que deron positivo.
“Poida que haxa algún caso máis asintomático”, precisou, polo que se realizarán as correspondentes probas PCR para acoutar canto antes este brote que, neste momento, “está estabilizado”.