O campus de Lugo acollerá un seminario internacional sobre a colonización do Imperio Romano

O coloquio terá días 23 e 24 deste mes na Facultade de Humanidades da USC.

Muralla de Lugo
Muralla de Lugo | ALX

O campus da USC de Lugo acollerá un seminario de análise e debate sobre a intervención dos romanos sobre os pobos indíxenas que congregará a expertos e investigadores de doce universidades e centros de investigación de distintos países. O acto, programado para os días os días 23 e 24 de setembro na Facultade de Humanidades do Campus de Lugo, formará parte do XVI Curso de Primavera da USC e estará coordinado polos profesores de Historia Antiga da USC Dolores Dopico Caínzos e Manuel Villanueva Acuña, xunto co catedrático xubilado da UPV-EHU Juan Santos Yanguas.

O obxectivo deste seminari é a posta en común dos resultados das pesquisas realizadas dende 2018 a respecto dun tema que inmiscúe á propia Lucus Augusti de primeira man, por tratarse esta dun dos principais asentamentos romanos na Gallaecia. Neste marco de estudo as distintas conferencias -que terán lugar tanto presencial como telematicamente- abranguerán múltiples dimensións do fenómeno, dende o papel do exército ata a construción da paisaxe urbana da man do Imperio.

O desenvolvemento do curso, explican dende a USC, vén condicionado pola actual situación de excepcionalidade propiciada pola COVID-19, razón pola cal a universidade decidiu limitar a oferta de prazas para asistir ás sesións programadas no marco deste foro a un máximo de 25 persoas. O público interesado pode formalizar xa a súa inscrición de balde neste curso a través do enderezo de correo electrónico cultura.lugo@usc.es. A matrícula rexerase por estrito orde de solicitude ata completar as prazas ofertadas.

 

DEIXAR UN COMENTARIO

Please enter your comment!
Please enter your name here