Os ritos da Semana Santa de Lugo retransmitiranse por Youtube

As procesións quedaron suspendidas por mor da crise do coronavirus.

Procesión da Virxe das Dores, en Lugo | ALX

EFE.- O bispo de Lugo, Alfonso Carrasco Rouco, presidirá as celebracións da Semana Santa na Catedral, aínda que nesta ocasión o fará vía Internet e “sen a presenza do pobo” por mor das medidas tomadas para frear a expansión do coronavirus.

Aínda que as procesións da Semana Santa lucense quedaron suspendidas a causa do estado de alarma, o bispo presidirá os actos previstos na Catedral e as celebracións serán retransmitidas en directo a través da plataforma Youtube, “na canle da Diocese de Lugo”.

A Diocese engade que “os sacerdotes –que poidan– celebrarán os ritos de Semana Santa sen presenza do pobo e nun lugar adecuado”. “Comunicarase aos fieis a hora do inicio das celebracións para que se unan en oración desde as súas casas”.

DEIXAR UN COMENTARIO

Please enter your comment!
Please enter your name here