Pasa a disposición xudicial o detido polo crime machista das Gándaras

Quedou probado que se "usou unha arma" e esta "non foi de lume". O presunto autor xa foi trasladado ao Xulgado de Instrución nº3.

Comisaría de Lugo | Google
Comisaría de Lugo | Google

A Policía Nacional procedeu na mañá deste martes a tomar declaración ao home detido como presunto autor do homicidio da súa parella o pasado venres en Lugo. Posteriormente, pasou a disposición xudicial no Xulgado de Instrución nº3 de Lugo, especializado en violencia sobre a muller.

Así o manifestaron a Europa Press fontes próximas á investigación, que sinalaron que, despois das últimas dilixencias practicadas este luns e de recibir resultados doutras, na mañá deste martes procedeuse a tomar declaración en comisaría ao detido o pasado sábado.

Co fin de esclarecer o sucedido,  a Policía analizou “diversos obxectos” atopados no lugar dos feitos e nas proximidades. Pretendían descubrir se entre eles se atopaba a arma empregada para o crime. Segundo se soubo na investigación, quedou probado que, efectivamente, se “usou unha arma e  non foi de lume”.

O Xulgado de Instrución Número 3 de Lugo instrúe a causa, que está baixo segredo de sumario, pola que se investiga á parella da vítima polos delitos de homicidio, violencia machista e violencia doméstica.

DEIXAR UN COMENTARIO

Please enter your comment!
Please enter your name here