Desarticulan un punto de venda de droga próximo a unha zona escolar en Lugo

A Policía detivo un individuo de 33 anos que posuía 230 doses de haxix e marihuana no seu domicilio.

Material incautado na operación antidroga que desarticulou un punto de venda na Piringalla (Lugo) | LX

Unha ardua investigación da Policía Nacional conseguiu desarticular un punto de venda de droga na cidade de Lugo. Concretamente, a operación desenvolveuse na Piringalla, moi preto dunha zona escolar.

No marco desa operación, a Policía detivo un lucense de trinta e tres anos como autor dun delito contra a saúde pública. O individuo xa contaba con antecedentes por estes mesmos feitos.

Os axentes rexistraron o seu domicilio e incautaron unhas 230 doses de haxix e marihuana, ademais de diversos útiles para o empaquetado e fraccionamento da droga. A maiores, tamén se lle interviu unha arma prohibida (pistola eléctrica ‘táser’) e 525 euros en efectivo, procedentes da venda de estupefacientes.

DEIXAR UN COMENTARIO

Please enter your comment!
Please enter your name here