InicioCulturaO alumnado de Lugo mergúllase no coñecemento do océano co proxecto 'Mar...

O alumnado de Lugo mergúllase no coñecemento do océano co proxecto ‘Mar Interior’

O Centro Oceanográfico de Vigo impartirá charlas, talleres e debates para espertar o interese pola investigación mariña que se desenvolve en Galicia.

PUBLICADA O

- Advertisement -

O proxecto ‘Mar Interior: un océano de oportunidades no corazón de Galicia’ chega a comarcas do interior galego para achegar coñecemento científico sobre o medio mariño á comunidade educativa dos concellos de Lugo e Monforte de Lemos.

Debido á súa localización, os estudantes destas rexións non adoitan estar en contacto coas actividades relacionadas co océano. Por iso, o Centro Oceanográfico de Vigo do Instituto Español de Oceanografía (IEO) ofrecerá charlas e talleres a estudantes de Formación Profesional e de institutos do interior.

Así o presentaron esta semana a deputada provincial Pilar García Porto, a directora do centro vigués, Victoria Besada, e a investigadora do mesmo centro Isabel Riveiro. Segundo explicaron, o obxectivo desta iniciativa é destacar “e visibilizar o labor investigador que se desenvolve en Galicia no ámbito mariño”, así como “achegar a ciencia, tecnoloxía e innovación á comunidade educativa e ao público en xeral” para “espertar a súa curiosidade e interese científico ante o funcionamento do medio mariño e a súa protección”.

BRECHA DE XÉNERO

Este labor tratarana de cumprir as charlas, debates e talleres que se celebrarán en cada concello, á vez que tamén buscan “fomentar a igualdade en ciencia e contribuír a corrixir a brecha de xénero en materia de I+D+i”.

En concreto, Lugo iniciará as sesións o 18 de febreiro e clausuraraas o 22 do mesmo mes, mentres que en Monforte celebraranse entre o 24 e o 26 de marzo. É preciso inscribirse previamente a través do correo ieo.vigo@ieo.es.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...