Unha segunda vida para as árbores de Nadal do Concello de Lugo

O goberno local mandou transplantar estes abetos na zona verde de San Fiz, para así seguir a liña de sustentabilidade impulsada nos últimos meses.

Un operario coloca un abeto de Nadal na súa nova ubicación | Concello de Lugo

Xa coñecen a filosofía de ‘ano novo, vida nova!”. O Concello de Lugo tamén debe ter presente ese dito, porque decidiu que os abetos de Nadal que adornaban o Consistorio terán unha segunda vida na zona verde de San Fiz.

Estas árbores serviron para engalanar as dependencias municipais durante as festas de Nadal, pero dende o Concello queren que estes exemplares, de máis de dous metros de altura, se integren no conxunto de parques e xardíns da cidade para sempre. Seguindo o espírito de sostibilidade, o persoal de Medio Ambiente transplantou os abetos na zona verde de San Fiz.

A aposta da administración local por este tipo de ornamentación encádrase dentro da liña que segue a alcaldía para a utilización de recursos naturais e pola sustentabilidade, escollendo árbores vivas que agora terán un futuro como parte do paisaxe da capital.

DEIXAR UN COMENTARIO

Please enter your comment!
Please enter your name here