EFE.- Unha persoa resultou ferida esta mañá de 7 xaneiro logo de ser atropelada no centro urbano de Lugo. Concretamente, os feitos ocorreron no barrio da Residencia, nas inmediacións do recinto que antigamente ocupaba o vello Hospital Xeral.
Segundo informaron a EFE fontes dos servizos de emerxencias, o accidente produciuse na rúa Doutor Ochoa de Lugo cando pasaban apenas uns minutos das nove e media da mañá.
Para axudar a vítima, o 112 mobilizou ao servizo de Urxencias Sanitarias-061, a agrupación de voluntarios de Protección Civil, os Bombeiros e a Policía Local. Despois de recibir os primeiros auxilios no mesmo lugar do accidente, a persoa ferida foi trasladada nunha ambulancia de soporte vital básico ao hospital Polusa.
