EFE.- O titular do xulgado de garda de Lugo decretou prisión para o home que, presuntamente, abusou sexualmente dunha menor durante a noite de Fin de Ano.
Segundo informaron fontes policiais, o varón, de 35 anos e de nacionalidade colombiana, foi enviado a prisión logo de prestar declaración nas dependencias xudiciais.
O delito que se lle achaca é o abuso sexual a unha rapaza de 16 anos que volvía á súa casa logo dunha noite de festa. A moza foi auxiliada por tres viandantes cando o individuo trataba de achegarse a ela. Entre todos, conseguiron retelo e impedir que fuxira.
Unha patrulla da Garda Civil que pasaba por alí fíxose cargo do home ata que chegaron os axentes da Policía Nacional. Estes afirman que se trata do autor dun “abuso sexual, claro e patente”, aínda que descartan que se chegara a producir unha violación.