InicioSociedadePilar de Lara seguirá exercendo "con normalidade" en Lugo ata mediados de...

Pilar de Lara seguirá exercendo “con normalidade” en Lugo ata mediados de xaneiro

Está á espera de que se resolva a súa solicitude de suspensión cautelar da sanción que podería implicar a perda de destino. O seu avogado sabe que "estatisticamente" é moi difícil que llela concedan, pero mantén a esperanza debido ás particularidades do caso.

PUBLICADA O

- Advertisement -

EFE.- O avogado da xuíza Pilar de Lara, Agustín Azparren, precisou que a maxistrada seguirá traballando con “normalidade” á fronte do Xulgado de Instrución Número 1 de Lugo como mínimo ata “mediados de xaneiro”.

En declaracións a EFE, explicou que a xuíza está á espera de que o Tribunal Supremo se pronuncie en relación coa suspensión cautelar da sanción solicitada pola súa defensa. Ao tratarse dunha “falta moi grave de desatención no exercicio das competencias xudiciais”, a execución da sanción implicaría a perda de destino.

Azparren recoñeceu que “estatisticamente” o dato “é demoledor”, porque o Tribunal Supremo “só” accedeu “nunha ocasión” a suspender de forma cautelar a execución dunha sanción disciplinaria imposta polo Consello Xeral do Poder Xudicial (CXPX). Aínda así, mantén a esperanza dunha resolución favorable aos intereses da maxistrada polas particularidades do seu caso.

COMPROMISO DE PECHAR AS MACROCAUSAS ABERTAS

De calquera forma, e “poñéndose no peor”, a xuíza permanecerá á fronte do Xulgado ata “mediados de xaneiro”. Así, terá tempo para desenvolver o seu traballo “dentro dos cálculos previstos”, tendo en conta de que se comprometeu a pechar as macrocausas abertas antes de que se executase a sanción.

“De momento non se sabe nada”, asegurou o letrado. “Normalmente transcorre un mes máis ou menos desde que se pide” a suspensión da sanción ata que hai unha resolución por parte do Supremo, pero “con festas polo medio” non se espera unha resposta “antes de mediados de xaneiro”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...