InicioLugo e contornaLugoO PP de Lugo renova nun 85% a súa lista e incorpora...

O PP de Lugo renova nun 85% a súa lista e incorpora a varios cargos da Xunta

Só repiten o actual portavoz, Antonio Ameijide, e Manuel López.

PUBLICADA O

- Advertisement -

O candidato do Partido Popular á Alcaldía de Lugo, Ramón Carballo, acompañado pola presidenta provincial, Elena Candia, presentou este luns a lista para as eleccións locais do próximo 26 de maio, unha candidatura na que só repiten en postos de saída o actual portavoz municipal, Antonio Ameijide, e o edil responsable de medio rural, Manuel López.

O número dous da lista é para a médica de Familia María del Carmen López Silva, que exerce no centro de saúde da Praza do Ferrol; mentres que o tres é para Antonio Ameijide e o catro para a responsable do Laboratorio de Hixiene, Inspección e Control de Alimentos e profesora universitaria, Beatriz Isabel Vázquez.

O número cinco da lista é para Manuel López, responsable da zona rural no grupo municipal do PP desde o ano 2007; mentres que o seis é para Sagrario Sánchez Ramil, xefa da área de administración CIFP As Mercedes; e o sete para Óscar Poy, traballador da industria alimentaria.

Javier Vázquez Prado, profesor no Colexio dos Salesianos e coordinador da mesa sectorial de Educación do PP, ocupa o posto número oito; mentres que a xefa territorial de Política Social, Cristina Abades, incorpórase no nove da lista; e o xefe de servizo de Industrias Agroalimentarias de Medio Rural, Rafael Manuel Pérez, vai no dez. A socióloga Mar Carballas vai no posto número once da lista, mentres que o avogado Agustín Francisco Pérez-Batallón incorpórase á candidatura no doce. Marca unha hipotética maioría absoluta, no posto número trece, a avogada Eugenia Biscaíño.

Completan o lista Ángel Trabada, Lucía Díaz, Alejandro López-Boado, Carlos Vázquez Pena, Gloria Enríquez Sanjurjo, Zoila Mariña Sánchez, Mauro Rodríguez Valiña, Lorenzo García, María Cristina Cadórniga, Sofía López Linares, Luís Asorey e Mari Teijeiro.

RENOVACIÓN

O propio candidato, que fixo públicos os nomes desa lista nun acto con militantes e simpatizantes do Partido Popular na sede provincial, precisou que a renovación da candidatura alcanza unha porcentaxe do “85%” en relación coa presentada pola formación política nos anteriores comicios municipais.

En declaracións aos medios de comunicación, o candidato dixo que presenta a estas eleccións “un grupo gañador”, formado por persoas con “experiencia e prestixio profesional”. Ademais, aclarou que a lista está integrada “por independentes, afiliados de toda a vida e colaboradores“, ademais de precisar que se trata dunha candidatura “equilibrada entre homes e mulleres” e cunha media de idade de 45 anos.

A presidenta provincial do PP, pola súa banda, asegurou que a lista que hoxe foi presentada é “o equipo de goberno que terá o municipio de Lugo a partir do 26 de maio, con Ramón Carballo como alcalde”.

Do candidato, destacou “a capacidade de contaxiar ilusión, a sinxeleza e a honradez”, mentres que da lista mencionou “a súa pluralidade”, o que a converte “nun fiel reflexo da sociedade lucense”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...