O teatro e o audiovisual encherán as rúas de Lugo. Será grazas ao Festival de Teatro Universitario e á IV edición da Findecurta que terán lugar dende o 26 ao 30 de abril, unha iniciativa audiovisual para o impulso de novos creadores na provincia.

Este evento reunirá a diferentes compañías de Galicia, inclusive a unha compañía de León, e que dedica xornadas á exposición dos microproxectos nos que traballan estudantes de teatro que se atopan fóra de Lugo. Todas as actuacións do Festival de teatro Universitario terán lugar no Auditorio Gustavo Freire. A entrada é libre salvo para a actuación da Casa de ilusións.

A Deputada de Cultura, Pilar García Porto, xunto o Adxunto a Vicerreitoría do Campus de Lugo, Jesus Varela, e a Técnica Especialista en actividades Culturais da USC, Paloma Lugilde, presentaron este xoves este ciclo que está enmarcado dentro do programa Lugo Cultural, o convenio de colaboración da Deputación, Concello de Lugo e Universidade de Santiago.

As entradas recóllense na oficina de cultura da vicerreitoría de coordinación o día 22 de marzo de 10:00 horas a 14:00 horas (máximo 2 por persoa).

FUNCIÓNS

• • O martes 26 de marzo ás 20:30 horas terá lugar a actuación da Aula de Teatro da USC de Santiago de Compostela coa obra A muller que tiña medo e marchou a vivir ao Carrefour de Roberto Salgueiro.
  • O venres 29 de marzo ás 20:30 horas terá lugar a actuación do Teatro el Mayal da Universidade de León coa obra Aquí en la tierra a cargo de Javier R. de la Varga.
  • O sábado 30 de marzo ás 20:30 horas, o domingo 31 de marzo ás 18: 00 horas e ás 20:30 horas e o luns 1 de abril ás 10:30 terá lugar a actuación da compañía de teatro da USC de Lugo coa obra Casa de ilusións dirixida por Paloma Lugilde.

• O luns 1 de abril ás 20:30 horas terá lugar a actuación da Compañía Maricastaña da Aula de Teatro de Ourense coa obra Implosións, drogas, pasma e outras cousas das que preocuparse dirixido por Fernando Dacosta.

FINDECURTA

A IV edición da Findecurta terá lugar do 26 ao 30 de abril. As persoas que queiran participar neste certame audiovisual para o impulso de novos creadores, teñen que inscribirse do 22 de marzo ao 23 de abril na Oficina de Cultura na Vicerreitoría de Coordinación, de 9:00 a 14:00 horas, ou enviar un correo electrónico co pdf a cultura.lugo@usc.es. As bases e a ficha de inscrición na www.lugocultural.gal. Máis información no 982821513.

OUTRAS ACTIVIDADES

O mércores 27 de marzo ás 18:00 horas e as 20:30 horas no auditorio Gustavo Freire terá lugar un encontro coa compañía de teatro da USC de Lugo. Ás 21:00 horas no fondo da Praza Maior terá lugar unha intervención na rúa dos teatreiros e teatreiras de Lugo e a lectura do Manifesto Galego do Día Mundial do Teatro creado por Carlos Santiago.

O xoves 28 de marzo ás 12:30 no Auditorio Gustavo Freire terá lugar o ensaio xeral e coloquio da Casa de ilusións (aforo limitado).