Os parques de bombeiros comarcais deixarán de estar xestionados por empresas

O Consorcio Provincial de Bombeiros aproba a xestión directa dos parques de bombeiros comarcais, o que suporá un aforro anual estimado de 260.000 euros

O presidente da Deputación e do Consorcio Provincial de Bombeiros, Darío Campos, tralo pleno no que se acordou a xestión directa dos parques de bombeiros comarcais | Deputación de Lugo
O presidente da Deputación e do Consorcio Provincial de Bombeiros, Darío Campos, tralo pleno no que se acordou a xestión directa dos parques de bombeiros comarcais | Deputación de Lugo

O Consorcio Provincial de Bombeiros aprobou por unanimidade pasar a xestionar directamente os parques de bombeiros comarcais. Será a partir do primeiro de maio, cando rematan os contratos coas empresas privadas que hogano se ocupan deles. A medida, proposta pola Deputación de Lugo e acordada coa Xunta de Galicia, suporá un aforro de 260.000 euros anuais. 

A xestión directa dos parques de bombeiros comarcais, en Viveiro, Vilalba, Barreiros, Monforte de Lemos, Sarria e Chantada, implica a subrogación de 117 profesionais e a mellora das condicións laborais. Entre outros avances, estes 75 combeiros, 36 cabos e 6 xefes de parque pasarán a ser considerados profesionais en actividades de risco. Ademais, consolidarase a equiparación salarial acordada a finais de maio, de xeito que os profesionais cobrarán o mesmo ca os homólogos de Ourense.

O cambio na xestión baséase nos informes realizados pola Deputación, e que confirman a viabilidade do modelo público para os parques de bombeiros. O proceso partiu das autoridades provinciais de Lugo, A Coruña e Pontevedra. En 2016, a Xunta de Galicia accedeu a permitir o cambio sempre e cando non supuxera un aumento no custe nin a diminución na calidade do servizo, ademais de garantir os dereitos dos empregados.

DEIXAR UN COMENTARIO

Please enter your comment!
Please enter your name here