InicioMedioambiente e PatrimonioA Deputación reivindica no Foro do Camiño as variantes Rexia e Künig

A Deputación reivindica no Foro do Camiño as variantes Rexia e Künig

O organismo provincial reivindica o papel de Elías Valiña como nexo de 800 quilómetros de rutas xacobeas lucenses no FAIRWAY, III Forum do Camiño de Santiago

PUBLICADA O

- Advertisement -

Con motivo do Fairway, o III Forum do Camiño de Santiago, a Deputación trasladou a importancia da provincia de Lugo no sacro percorrido. O deputado de Turismo, Eduardo Vidal, incidiu en tres vectores: os 800 quilómetros de rutas xacobeas lucenses, a importancia de Elías Valiña como referente académico, e as tres variantes que aspiran a un recoñecemento oficial no futuro.

A Deputación, con presenza no Forum do Camiño dende o pasado domingo e ata o martes 12 de febreiro, promociona o Camiño Francés, o Camiño Primitivo, o Camiño do Norte e o Camiño de Inverno, xunto cos recursos patrimoniais, gastronómicos e histórico-culturais dos concellos que atravesan, practicamente a metade dos existentes na provincia. 

No punto de encontro entre axentes, institucións, empresas e demais profesionais vencellados ao Camiño, Vidal Vaamonde ubicou a Lugo como “gran porta de entrada a Galicia”, sen esquecer as rutas históricas sen recoñecemento oficial. Así, puntualizou que outras tres variantes están a ser documentadas: o Camiño do Mar pola Mariña lucense; a Vía Regia del Norte ou Camiño de Abres a Lugo por Meira, e a Vía Künig. 

O Camiño do Mar transcorre en paralelo ao Cantábrico atravesando toda a Mariña lucense por paisaxes costeiros e vilas mariñeiras de Ribadeo, Foz, Burela, e Viveiro. A Vía Rexia do Norte, ou Camiño de Abres a Lugo por Meira, atravesa os municipios da Pontenova, Riotorto, Meira, A Pastoriza, Pol e Castro de Rei, converxendo en Lugo co Camiño Primitivo. A Vía Künig segue o mesmo itinerario realizado polo monxe alemán homónimo en 1495, polos Concellos de Pedrafita, As Nogais, Becerreá, Baralla e O Corgo.

Elías Valiña

Os peregrinos que chegan a través do Camiño Francés pasan polo icónico pobo do Cebreiro, onde foi ideada a frecha amarela que constitúe o símbolo universal da peregrinación. Foi o párroco Elías Valiña, orixinario de Sarria, académico consumado e gran revitalizador da ruta xacobea.

Valiña foi un pioneiro no estudo do Camiño, autor da celebrada tese de 1965. O seu traballo segue a ser referencia para o estudo das rutas, e valeulle o nomeamento de director do Xacobeo en 1985.

Ricardo Polín: “No Camiño Primitivo prima a visión comercial sobre a identidade”

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...