InicioMovementos sociaisLugo Sen Mordazas defende manter o réxime de sancións actual

Lugo Sen Mordazas defende manter o réxime de sancións actual

A plataforma anima ao comercio local a colaborar na recollida de firmas contra o que consideran un retroceso das liberdades e os dereitos civís – Existen dúbidas acerca do encaixe legal dalgunhas medidas, en especial as que afectan a menores e criminalizan a colectivos desfavorecidos

PUBLICADA O

- Advertisement -

A plataforma Lugo Sen Mordazas naceu o 15 de abril da man de trinta colectivos sociais, asociacións culturais, organizacións sen ánimo de lucro, políticas e sindicais. Esixen ao goberno local do Partido Socialista e ao resto de forzas presentes na corporación municipal a retirada do proxecto de Ordenanza Cívica. Defenden que hai que «botar abaixo» a alcumada Ordenanza Mordaza por ser contraria aos dereitos civís e conter elementos inconstitucionais.

Cada luns celebran asambleas na Praza Maior con representantes das trinta asociacións. A consigna é non decaer, xuntar ao maior número de lucenses e conseguir unha enmenda á totalidade da Ordenanza. Coma explican dende o equipo xurídico da plataforma, non se trata de eliminar as sancións, mais de manter as xa existentes. Consideran que é abondo coas normas menos restrictivas en vigor, que xa contemplan castigos económicos, coma a Ordenanza de Medio Ambiente.

O vindeiro paso é atraer aos comercios locais para que apoien simbolicamente o movemento e, de ser posible, recollan firmas. Estes días repartiron unha media de 500 folletos diarios e tamén estarán o sábado na Festa da Tinería, un dos eventos que promociona o Concello e que, alertan, entraría en conflito coa Ordenanza. Na plataforma opinan que o executivo local está a demorar a entrada en vigor da norma polas dúbidas xurídicas, e temen que a aprobación se realice en agosto, intre de menor interés polos asuntos públicos.

Intre da asamblea da plataforma Lugo Sen Mordazas | Óscar Bernárdez

Dende a plataforma aseguran que o novo ordenamento ten un referente claro na Lei Mordaza. Advirten de que existen incompatibilidades legais e que o réxime de sancións depende arbitrariamente do criterio da Policía Local. Estes aspectos están vencellados coa responsabilidade penal de menores, o permiso ás forzas de seguridade para acceder a domicilios, a presión para que sexan os veciños os que denuncien baixo ameaza de castigo económico, ou a persecución a quenes piden esmola na vía pública ou durmen nos bancos.

Por estas razóns, Lugo Sen Mordazas pelexará pola retirada do proxecto e chegado o caso presentaría un recurso contra a Ordenanza. Ata o de agora, Partido Socialista, Partido Popular e Ciudadanos son as formacións a favor da aprobación dunha norma que xurdiu para afrontar o ‘problema’ dos gorrillas no HULA, e conta co soporte de varios círculos empresariais lucenses.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...