InicioMovementos sociaisAs explotacións de Lugo ingresarían 47 millóns de euros máis co leite...

As explotacións de Lugo ingresarían 47 millóns de euros máis co leite no prezo medio da UE

O sindicato Unións Agrarias manifesta que cada ano pérdese o 5 por cento das explotacións por vender o leite con perdas ou sen beneficios

PUBLICADA O

- Advertisement -

O responsable de servizos de Unións Agrarias, Óscar Pose, advertiu este venres de que os produtores de leite seguen producindo en Galicia “a perdas” ou “sen gañar nada”. O líder sindical explica que diferenza de prezos respecto doutras comunidades autónomas e países da contorna segue a prexudicar os gandeiros galegos. Nas vindeiras semanas, o sindicato reunirase coa industria para negociar o prezo.

Pose denunciou a situación logo do balance do 2018 no sector lácteo na comunidade, onde o prezo medio durante o pasado ano situouse en 30,20 céntimos por litro de leite, fronte aos 31,26 pagados de media en España. Así, no exercicio mantívose a tendencia de peche de explotacións dun cinco por cento anual, con 420 granxas de leite que concluíron a súa actividade, o que sitúa o número de explotacións por baixo das 7.600 na Comunidade galega, segundo os datos de UUAA.

“Xa non só é producir a perdas, senón que os que estamos nas explotacións temos que cobrar, e deberiamos ter un soldo mínimo”, manifestou Pouse. “Iso non se consegue a día de hoxe na maior parte dos casos”, abundou.

Aposta por un “salario mínimo” para os gandeiros

Sobre esas perdas, o dirixente agrarista estimou que “se deixou de cobrar con respecto á media de España doce millóns de euros”, respecto de se Lugo cobrase o litro como o prezo medio español durante 2018. Pero aínda é maior ese “agravio”, segundo explicou, se o cálculo se realiza coa media europea. Ata 47 millóns de euros ingresarían adicionalmente as explotacións de Lugo nese caso.

A maiores, do prezo do leite, sinalou que nos dous últimos anos houbo “unha recuperación moi importante do prezo da manteiga, da graxa, e isto non repercutiu nas explotacións para nada”. Detallou que en Lugo, no último ano, “as industrias facturaron 57 millóns de euros máis pola graxa, a maiores do prezo do leite”, algo que, segundo UUAA, non se viu reflectido nas explotacións gandeiras.

Así impacta a tecnoloxía na gandería de vacún de leite

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...