O xurado do caso Tatiana Vázquez declara a Ibrahima culpable

O xurado popular declarou culpable de asasinato e maltrato a Ibrahima N., procesado polo crime de Tatiana Vázquez, segundo a lectura do veredicto realizada na tarde deste venres

O acusado do crime de Tatiana Vázquez foi condenado a 25 anos de cárcere | Europa Press
O acusado do crime de Tatiana Vázquez foi condenado a 25 anos de cárcere | Europa Press

O xurado popular declarou culpable de asasinato e maltrato a Ibrahima N., procesado polo crime de Tatiana Vázquez, segundo a lectura do veredicto realizada na tarde deste venres.

O xoves nas conclusións elevadas a definitivas, todas as partes mantiveron o que xa expuxeran nas provisionais. Así, Fiscalía pide 25 anos de prisión polo asasinato da rapaza de Castro de Rei, ao que hai que sumar outros dous anos e medio máis por malos tratos.

A acusación particular, trala que están os pais da vítima, manteñen 25 anos e elevan a tres anos a pena por malos tratos. A defensa insistiu en proclamar a inocencia do seu patrocinado.

Ao acusado, Ibrahima N., permitíuselle a última palabra, antes de deixar visto para sentenza o xuízo. Así, usou esta quenda para reiterar que séntese “indignado coa policía, coa forma de facer as cousas” e afirmou: “Non matei a ninguén”.