Detidos en Lugo e Sarria por fraudes en vendas en Internet

Axentes da Garda Civil visualizan unha pantalla dun ordenador nun operativo contra a venda por Internet / GC

Dous veciños do municipio lucense de Sarria e outro de Lugo capital foron detidos por realizar vendas fraudulentas a través de Internet de produtos que nunca enviaban.

Os detidos estafaban aos clientes anunciando produtos na rede que resultaban ser falsos. Supostamente, engaban ás vítimas e cando estes realizaban a compra enviaban caixas cheas de tacos de madeira mediante empresas de mensaxería en lugar do anunciado.

Esta operación da Garda Civil realizouna en colaboración con outras unidades tras denuncias interpostas nos municipios lucenses de Baralla e Burela, así como en La Algaba (Sevilla) e La Nava de Santiago (Badaxoz). Os tres detidos —que teñen 23, 53 e 65 anos— enfróntanse a delitos de estafa, apropiación indebida e usurpación, segundo informa este xoves a Garda Civil.

 

DEIXAR UN COMENTARIO

Please enter your comment!
Please enter your name here