Lugo pecha os parques da Milagrosa e de Rosalía de Castro por precaución

A alerta amarela motiva o peche dos dous parques máis importantes da cidade de Lugo, con refachos de vento que poden acadar os 70 quilómetros por hora

Os parques pechados polo temporal son o Rosalía de Castro, na imaxe, e o da Milagrosa | pilgrim.es
Os parques pechados polo temporal son o Rosalía de Castro, na imaxe, e o da Milagrosa | pilgrim.es

O Concello de Lugo informa nun comunicado que dende a mañá do venres quedan pechados ao público os parques da Milagrosa e Rosalía de Castro.

Esta medida deriva da enerxía renovada da borrasca Beatriz, que ademais obrigou a instaurar a alerta laranxa no litoral galego, incluída A Mariña lucense. Na capital da provincia agárdanse refachos de vento de ata 70 quilómetros por hora.

A medida de prevención implica que os dous parques quedarán pechados ata, polo menos, o sábado pola mañá, cando está previsto que remita o fenómeno meteorolóxico no interior da provincia de Lugo.

DEIXAR UN COMENTARIO

Please enter your comment!
Please enter your name here