O Banco de Alimentos de Lugo atende unha vintena de familias refuxiadas ucraínas

A presidenta matiza que hai guerras "soterradas e caladas" máis alá da ofensiva rusa.

Banco de Alimentos de Lugo | Páxinas Galegas

O Banco de Alimentos de Lugo atende unha vintena de familias refuxiadas ucraínas, que foxen da guerra, ademais da persoas refuxiadas de Colombia, Nicaragua e de países africanos.

Segundo explicou a presidenta do banco, Amadora Núñez, fuxindo da ofensiva rusa, ata vinte familias acudiron a dito servizo, ademais de persoas colombianas, nicaraguanas e “de distintos países africanos”. “Temos moitos refuxiados e non só os expulsados pola guerra en Ucraína, senón que hai guerras tamén soterradas e caladas“, constatou Amadora Núñez.

De momento no Banco de Alimentos de Lugo “aguantan” e contan con “reservas” para atender “á xente que o precisa”. “A xente e as empresas axudaron moito”, sostén tras a última operación quilo. Son máis de 2.000 familias as que acoden ao banco na provincia, ás tres instalacións con que contan, na mesma cidade amurallada, Monforte e Viveiro.

Núñez deixou claro que a alta inflación tamén se “nota” en canto ao incremento de familias que non chegan a final de mes. Amadora Núñez apelou a que a xente “non teña medo” a acudir a recoller comida, aínda que desliza a necesidade de ser “prudentes”. “Eu sempre digo que medo, nunca; e precaución, moita”, concluíu.