Hospitalizado un menor atropelado fronte ao Ánxel Fole

Un turismo golpeou o menor na Rúa das Fontes, a carón do IES Ánxel Fole, onde recibiu os primeiros coidados antes de ser trasladado contra as seis da tarde

Punto do atropelo, a carón do Ánxel Fole | Google
Punto do atropelo, a carón do Ánxel Fole | Google

As urxencias sanitarias evacuaron na tarde do martes a un menor atropelado na Rúa das Fontes de Lugo, fronte ao instituto Ánxel Fole, segundo informou a Axencia Galega de Emerxencias (Axega).

O cativo recibiu os primeiros coidados no lugar do accidente, producido contra as seis da tarde. Despois foi trasladado ao Hospital Universitario Lucus Augusti (HULA). O seu estado non trascendeu.

A alerta sobre o suceso chegou por parte dun veciño, que alertou ao 112 Galicia para pedir axuda urxente para o menor, golpeado por un turismo nun cruce moi transitado, xusto diante do IES Ánxel Fole.

Os profesionais do 061 foron coordinados polo Centro Integrado de Atención ás Emerxencias (CIAE), que xa tiñan coñecemento do suceso e enviaran varios medios. Ademais, contaron coa colaboración de axentes da Policía Local, alertados tamén polo 112 Galicia.

DEIXAR UN COMENTARIO

Please enter your comment!
Please enter your name here