Travelers Choice (anteriormente Certificado de Excelencia) recoñece cada ano a selectos aloxamentos, atraccións e servizos turísticos do mundo que amosan constantemente un compromiso coa excelencia e coa hospitalidade. Cada ano aproximadamente o 10% das empresas e recursos turísticos internacionais reciben este premio que os distingue entre os preferidos polas viaxeiras e viaxeiros de todo o planeta.
Este ano 2022 na cidade de Lugo foron recoñecidos o proxecto Guido Guía, o Eurostars Gran Hotel, a Muralla Romana e a Catedral con 5 e 4,5 burbullas respectivamente.
TripAdvisor utiliza un algoritmo patentado para determinar ás homenaxeadas e homenaxeados de Travelers Choice. Ten en conta a calidade, cantidade e actualidade das críticas e opinións enviadas polos viaxeiros en TripAdvisor durante un período de 12 meses, así como a tendencia e clasificación no índice de popularidade do lugar.
Para ser recoñecido para Travelers Choice, unha empresa debe manter unha clasificación xeral de burbullas de TripAdvisor de cando menos catro de cinco, ter un número mínimo de opinións, e debe ter estado en TripAdvisor como mínimo 12 meses.