InicioLugo e contornaLugoLara Méndez rexeita poñer cámaras: "somos a cidade máis segura de Galicia"

Lara Méndez rexeita poñer cámaras: “somos a cidade máis segura de Galicia”

A policía local celebra o seu 160 aniversario sen cubrir todas as prazas.

PUBLICADA O

- Advertisement -

A Policía Local de Lugo celebrou o seu 160 aniversario, fundada en 1862, nun acto no que a alcaldesa, Lara Méndez, xunto con outras autoridades pasaron revista aos axentes na Praza Maior. O intendente e responsable policial, Jesús Piñeiro, destacou que se trata dun “corpo novo, é un corpo operativo, é un corpo con ilusión”, aínda que actualmente só conta con 118 axentes, sen cubrir a totalidade de postos do persoal de 140 persoas.

“Hai moitísima xente nova, preparada, e tratamos de recuperar o control da cidade en canto a seguridade cidadá, de seguridade viaria, de policía xudicial, do control de normativa administrativa. Creo que estamos a traballar ben nos grupos que temos operativos”, valorou.

Son catro os grupos operativos: unha unidade de Policía de Barrio, outro grupo de atestados “moi forte”, ademais dunha unidade de xestión administrativa e outra de sancións. Conta con 14 vehículos, dúas furgonetas e sete motos. O intendente, que entrou na Policía Local de Lugo en 1981, lembrou que por aquel entón “había na cidade unha cantidade importante de cuarteis, con moitos militares. “Despois veu o campus con máis de 15.000 estudantes e tivémonos que ir amoldando a esta situación”, explica.

“Dentro do corpo da Policía Local creáronse unidades operativas especiais, como a brigada nocturna, a brigada diúrna ou a brigada de drogaas. Hoxe creo que co apoio da Policía Nacional, coa boa relación que mantemos, creo que Lugo é unha das cidades máis seguras de España”, destacou.

“A CIDADE MÁIS SEGURA DE TODA GALICIA

Precisamente, a alcaldesa, Lara Méndez, sostén que Lugo é “a cidade máis segura de toda Galicia”, en resposta á asociación Lugo Monumental que reclama máis presenza policial no centro e cámaras de vixilancia para evitar as pelexas ou actos vandálicos do fin de semana.

Remarca que a “presenza policial é total e continua nas rúas”. “E quero loar o traballo que realiza a Policía Local de Lugom que se reflicte nos datos porque somos a cidade máis segura de Galicia”, apunta.

“Seguiremos implicándonos para mellorar, porque todo é susceptible de mellora e ese é o gran obxectivo que temos tanto no número de efectivos como de recursos materiais”. “Nos últimos anos dotámonos de máis Policía Local, de novos vehículos e de novas infraestruturas, así como a formación que segue sendo constante e continua”, subliñou.

 

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...