InicioLugo e contornaLugoAumentan os hospitalizados por covid en Lugo, con tres persoas en UCI

Aumentan os hospitalizados por covid en Lugo, con tres persoas en UCI

Pola contra, a área lucense descende en casos activos até os 2.245 contaxios.

PUBLICADA O

- Advertisement -

Os casos activos de Covid-19 seguen en ascenso en Galicia e alcanzan os 15.278, 369 máis nas últimas horas. Por contra, baixan lixeiramente os contaxios (uns 100 menos nas últimas horas), aínda que se manteñen por encima do milleiro (1.615 na última xornada). Baixa tamén a presión hospitalaria, con 622 hospitalizados (17 menos) e a taxa de positividade, que se reduce ata o 32,27%.

Con rexistros ata as 18,00 horas do venres, e de acordo coa información publicada polo Sergas e recollida por Europa Press, os pacientes ingresados descenden lixeiramente, de 639 a 622. Deles, 601 atópanse en unidades convencionais e 21 en UCI, cinco máis nas últimas horas.

Por áreas sanitarias, a presión hospitalaria baixa en cinco delas e sobe na de Lugo, con 61 pacientes en planta (+8) e tres en críticos (+2); e na de Santiago, que mantén a dous pacientes en UCI pero conta con 93 en unidades convencionais (+2).

Así, a de Ferrol segue sen pacientes en críticos e baixan a 69 os hospitalizados en planta (-5), Ourense conta con catro pacientes ingresados en UCI (+1) e 90 noutras unidades (-4). A área sanitaria da Coruña rexistra 135 ingresados en planta (-3) e cinco en críticos (+1), mentres que a de Vigo continúa con tres pacientes Covid en UCI e conta con 75 noutras unidades (-10) e na de Pontevedra son 78 os pacientes en planta (-10) e catro en críticos (+1).

SOBEN OS CASOS ACTIVOS

Os casos activos seguen en aumento, con 369 máis nas últimas horas, ao rexistrarse menos altas (1.243) que contaxios (1.615), ao que se suman catro falecementos. Por distritos sanitarios, as infeccións activas soben en cinco e descenden na área de Vigo, con 2.532 (-1) e na de Lugo, con 2.245 (-23). Nas restantes aumentan, liderando a relación Santiago, con 2.567 (+203); A Coruña, con 2.996 (+112); Ourense, con 2.017 (+43); Ferrol, con 1.213 (+20) e Pontevedra, con 1.691 (+13). Todo isto despois de que os novos contaxios por Covid baixaran respecto da xornada anterior, con 100 menos, pero mantéñense por encima do milleiro como nos días pasados. Concretamente, rexistráronse outros 1.615 máis nas últimas 24 horas.

Segundo o último informe actualizado polo Ministerio de Sanidade este pasado venres, 22 de abril, adaptado ao novo sistema de vixilancia da Covid-19 centrado en poboación vulnerable, a incidencia acumulada a 14 días en Galicia en maiores de 60 anos ascende a 1.011,21 casos por 100.000 habitantes, mentres que a media nacional baixa a 443,34.

VÍTIMAS E CURADOS

A taxa de positividade tamén se reduce, concretamente pasa do 33,99% ao 32,27%. Con todo, continúa superando o 30%, moi por encima do 5% que a OMS marca como meta para dar por controlada a pandemia. As vítimas da pandemia pola Covid-19 en Galicia aumentan a 3.320, catro máis, de acordo coa información facilitada polo Sergas. Por contra, os curados en Galicia desde o inicio da alerta sanitaria alcanzan os 557.171, 1.243 máis na última xornada.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...