InicioSucesosA Policía investiga a un detido en relación cos casos de agresión...

A Policía investiga a un detido en relación cos casos de agresión sexual en Lugo

Un home foi detido nun dispositivo da Policía Nacional polo intento de agresión sexual a unha muller no centro de Lugo a pasada madrugada

PUBLICADA O

- Advertisement -

Axentes do Corpo Nacional de Policía detiveron a un home por un intento de agresión sexual en Lugo na madrugada do venres. Supostamente, esta persoa tentou asaltar a unha muller cando entraba no seu portal nunha céntrica rúa, pero os berros da vítima alertaron aos veciños, que acudiron no seu auxilio e avisaron ás forzas da orde pública.

Malia que o asaltante fuxiu do lugar ao ver o seu intento frustrado, a rápida activación dun dispositivo policial rematou coa detención do sospeitoso. Agora, a Policía pescuda os feitos e tenta esclarecer se existe relación entre o detido e outros casos de agresión sexual en Lugo, coma o do pasado 26 de agosto, cando un home quixo arrastrar a unha muller a un descampado do barrio do Carme.

Fontes da investigación evitaron vencellar estes feitos, limitándose a confirmar que contemplan a posibilidade de que poida ter relación con intentos anteriores aínda por resolver. Segundo apuntou Europa Press, o detido é un home de 30 anos e residente en Lugo, e permanecerá nas dependencias policiais ata pasar a disposición xudicial.

 

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...