InicioLugo e contornaLugoPiden penas que suman 500 anos para os tres acusados da 'operación...

Piden penas que suman 500 anos para os tres acusados da ‘operación Carioca’

O xuízo terá lugar este martes na Audiencia Provincial de Lugo.

PUBLICADA O

- Advertisement -

A sección segunda da Audiencia Provincial de Lugo acollerá este martes o proceso contra os tres principais acusados no marco da ‘Operación Carioca’, para os que a Fiscalía pide penas que suman máis de 500 anos de prisión por decenas de delitos relacionados con esta trama de prostitución dirixida por dous dos investigados no proceso.

En concreto, trátase de J.M.G.A. e J.M.P.N, principais responsables dos clubs de alterne Queens e O Outeiro. Desde o ano 2005 realizaban o control do negocio da prostitución que alí se exercía e colaboraban coa terceira acusada, G.P.S., para localizar mulleres brasileiras en situación precaria.

Segundo o escrito de Fiscalía, ela contactaba con dous empregados da empresa City Tour para organizar as viaxes a España das mulleres captadas, que inmediatamente contraían unha débeda de preto de 3.000 euros. A acusada comunicábase con elas por teléfono utilizando un pseudónimo e explicáballes as condicións da viaxe a España, indicándolles que lles facilitarían o diñeiro necesario para xustificar a súa suficiencia económica durante o período de estancia en España e que debían devolver aos outros dous investigados no proceso.

Para iso, debían exercer a prostitución nos mencionados clubs, impóndolles a condición de traballar neles ata o pago total da débeda contraída e descontándolles diariamente unha porcentaxe do gañado coas copas e servizos sexuais.

AMBIENTE DE VIOLENCIA E TEMOR

Co obxectivo de conseguir que as mulleres non abandonasen o exercicio da prostitución e así poder obter un maior beneficio económico, os dous investigados “crearon un ambiente de violencia, xerando un clima de temor, caracterizado pola agresividade dos acusados“, sendo habitual que un deles portase armas de fogo “de forma intimidatoria”, lanzase coitelos, ou as ameazase para infundir medo sobre as consecuencias de deixar o local.

En paralelo, a débeda destas mulleres íase incrementando cos gastos diarios de aloxamento e manutención. Os dous acusados beneficiábanse das ganancias que obtiñan as mulleres a través da prostitución, que traballaban baixo as condicións de horarios e prezos impostas por eles, carecían de calquera dereito á súa actividade e estaban sometidas a unha serie de normas non escritas, como multas aleatorias.

“As condicións nas que traballaban as mulleres eran de extraordinaria dureza, tanto polas normas de traballo impostas, como polas regras de conduta e convivencia fixadas polos acusados”, sinala o escrito. Estes feitos e outros relatados no escrito da acusación son constitutivos de delitos contra os dereitos da cidadanía estranxeira, prostitución coactiva (54 delitos cada un dos acusados), 27 contra os dereitos dos traballadores, ameazas, tenencia ilícita de armas, e contra a saúde pública.

ÚLTIMAS

Polémica por 300 hectáreas de monte veciñal no paraíso hippie de Negueira de Muñiz

É posible atopar restos de neve nos costados da sinuosa estrada que descende desde...

O Colexio de Arquitectos de Galicia presenta alegacións ao proxecto de Altri en Palas e pide máis información

O Colexio oficial de Arquitectos de Galicia (COAG) acordou presentar alegacións ao Estudo de...

O vello profesor Xesús Alonso Montero volta ao seu instituto de Lugo para unha gran homenaxe

O destacado escritor, lingüista, profesor e ex presidente da Real Academia Galega (RAG), Xesús...

O BNG urxe ao Ministerio de Transportes realizar actuacións na N-6 ao seu paso polos concellos lucenses

O deputado do BNG no Congreso, Néstor Rego, rexistrou varias iniciativas na cámara baixa...