Chaman á “participación masiva” para encher a Muralla de Lugo de bandeiras estreleiras. A iniciativa vén da man da plataforma Estreleira.gal, que este xoves 23 fixo un chamamento por redes sociais para sumarse a unha convocatoria orientada á homenaxe da bandeira independentista galega, coincidindo co centenario do primeiro izado da mesma nun edificio público.
AJUDA-NOS A CONSTRUIR UMHA MURALHA DE ESTRELEIRAS
Quando se cumprem 100 anos do primeiro içado da bandeira galega num edificio público,desde Estreleira chamamos a construir umha cadeia humana para reafirmar o compromisso do nosso povo na luita por umha Galiza livre e soberana. pic.twitter.com/QHivyix536
— Estreleira.gal (@EstreleiraGZ) September 23, 2021
A convocatoria queda fixada para o vindeiro 21 de novembro ás 12:30. O obxectivo pasa por conseguir unha cadea humana de estreleiras que abranga a totalidade da muralla de Lugo. Polo momento, destacan dende a organización, hai xa unhas 250 persoas que confirmaron a súa participación no acto reivindicativo. A plataforma, porén, agarda sumar un maior número de participantes para “multiplicar” o tamaño da muralla romana e completar un perímetro de 2km.