InicioSociedadeO presidente da Deputación de Lugo: "Moitos concellos do rural están a...

O presidente da Deputación de Lugo: “Moitos concellos do rural están a quedar sen médico”

Empraza ao Goberno galego a priorizar os servizos sociais para "non deixar aos anciáns en mans das empresas privadas"

PUBLICADA O

- Advertisement -

O presidente da Deputación de Lugo, o socialista José Tomé, acusou este martes, antes do pleno provincial, á Xunta do “total abandono” que sofre o medio “rural” na Comunidade galega.

Tomé ironizou con que o Goberno galego “está a facer xusto o que di e promete, prometía que ía ser a lexislatura do rural e foi a lexislatura do total abandono do rural, onde se perden servizos, públicos e privados, e a Xunta non está a facer nada para remediar iso”.

“En moitos concellos, non nun en dous ou en tres senón en moitos municipios están a quedarse sen médicos, sen pediatras, onde os centros de saúde téñense que pechar polas saídas dos médicos a domicilios e non hai ninguén que os cubra”, abundou.

Así, non dubida de que se vive “unha situación dramática a que se dá no rural galego en relación coa sanidade e os servizos públicos”, ademais doutros servizos privados como é a sucesión de peches de oficinas bancarias.

O presidente provincial emprazou á Xunta a que “priorice os servizos sociais, porque o que non pode ser é que o Goberno galego deixe aos anciáns en mans das empresas privadas no canto de tomar o exemplo da Deputación de Lugo e facer residencias públicas de calidade, e achegalas aos concellos máis pequenos”.

“BOA SANIDADE”

Tamén apelou á necesidade “de ter unha boa sanidade pública, de ter uns bos servizos sociais para aquelas persoas que o están pasando mal e non teñen ingresos”.

“Iso é o que ten que facer a Xunta; achegar os servizos aos cidadáns, deixarse de tanto aparato e de facer oposición ao goberno do Estado, que para iso xa ten ao señor Casado. E se non lle vale que o cambie, pero desde logo o señor Feijóo a súa función non é a facer oposición a Pedro Sánchez”, concluíu.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...