A Policía Local auxilia a un veciño de Lugo confinado por positivo que levaba varios días sen comer

O home dixo que non tiña medios para poder mercar a comida.

Banco de alimentos / BE Santurtzi (Flickr)

Axentes da Policía Local de Lugo auxiliaron a un veciño desta cidade confinado no seu domicilio por dar positivo en Covid-19 que levaba varios días sen comer por non ter diñeiro para comprar alimentos.

Segundo relatou a Policía Local, na tarde do pasado sábado 24 de xullo un veciño da Calzada das Gándaras pediu auxilio a este corpo municipal porque estaba confinado no seu domicilio ao dar positivo en Covid e levaba varios días sen comer porque non tiña diñeiro e non podía comprar comida polos seus propios medios nin a través de familiares ou amigos.

Por iso, unha patrulla territorial de Policía de Barrio da Policía Local de Lugo desprazouse ao banco de alimentos, onde recolleu un lote de comida para varias días que lle entregou a esta persoa no seu domicilio.

Así mesmo, destacaron as mesmas fontes municipais, a Policía Local informou da situación desta persoa aos Servizos Sociais.