InicioSociedadeTouriñán concienciará sobre os perigos de mandar whastapps ao volante

Touriñán concienciará sobre os perigos de mandar whastapps ao volante

O uso do móbil provoca 1 de cada 3 accidentes, segundo o Concello de Lugo.

PUBLICADA O

- Advertisement -

Xosé Antonio Touriñán será a cara visible dunha campaña para concienciar ós mozos de Lugo sobre o perigo de usar o móbil ao volante. Así o vén de anunciar a área de Xuventude do Concello de Lugo, responsable da organización dun plan de comunicación que incluirá carteis na cidade e talleres de expertos.

A participación de Touriñán quedou selada no encontro entre o humorista e alcaldesa de Lugo, Lara Méndez, na mañá deste venres. A campaña pretende servir para concienciar da relevancia dunha problemática crecente. “Cada ano, o uso indebido de teléfonos cando se conduce provoca 400 mortes”, cifrou a alcaldesa. Estes datos, segundo lembrou Méndez, “convirte o uso do smartphone nunha das principais causas de mortalidade na estrada, á altura do exceso de velocidade ou do consumo de alcol”.

A campaña ten por obxectivo os mozos porque, segundo destacan no Concello, o perfil do condutor que adoita utilizar o móbil, o WhatsApp ou mesmo interactuar nas redes sociais mentres se atopa ao volante adoita ser un mozo de 18 a 24 anos, razón pola que a concellería de Xuventude lanza esta campaña entre a mocidade.  “As distraccións polo uso do móbil non para de medrar cada ano, estando xa detrás de 1 de cada 3 accidentes de tráfico, provocando máis de 20.000 accidentes”, sostén a edil de Muller, Igualdade e Xuventude, Ana González Abelleira.

 Xosé Antonio Touriñán, pola súa banda, quixo “agradecer que contarades conmigo para aportar un pequeno gran de area en axudar aos máis mozos a que tomen conciencia ao volante”. coa que se pretende chamar a atención deles e que escoiten a súa mensaxe co fin de que se sensibilicen. “É unha campaña pioneira, que queremos que sexa exemplo de boas prácticas para outros concellos para traballar, de xeito humilde pero decidido, en prol dunha prevención integral e na que participe toda a comunidade”, corroborou a concelleira.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...