Lugo impulsa a vía Küning, unha variante do camiño da Santiago aínda por coñecer

O Concello anuncia que os peregrinos desa vía poderán selar a credencial nas instalacións do Concello na Praza Maior desde o 15 de agosto.

Peregrinos fan o Camiño de Santiago.. XUNTA - Arquivo

Foi a finais do século XV cando o monxe alemán Hermann Küning describiu nunha obra dedicada ó Camiño de Santiago unha vía alternativa ó Camiño Francés que pasaba por Pedrafita. Logo da loita de varios concellos para impulsar a investigación e a promoción desta ruta, o consistorio lucense vén de dar un novo paso de cara á popularización dunha ruta á que aínda rodean moitas sombras.

Segundo apuntan dende o Concello, a partir deste sábado 15 de agosto os peregrinos que percorran o camiño a Compostela pola Vía Küning poderán selar as súas credencias nas instalacións do consistorio, situadas na Praza Maior. “Só deberán solicitalo á entrada da casa consistorial, de 8.30 a 15.00 horas en horario de verán”, destacan. O Goberno de Lara Méndez aproveitou o anuncio para destacar o seu compromiso coa “posta en valor” da ruta e expresas que está a traballar na súa sinalización do camiño ao seu paso polo concello. En concreto, subliñan, serán instaladas 43 placas indicadoras, un proceso que tiñan intención de completar antes pero que se viu ralentizado pola pandemia.

1 COMENTARIO

  1. Hermann Künig (sen n antes do g) escribiu unha guia de peregrinos que foi publicada en 5 ocasións, a primera en 1495, que xunto ao códice calixtino son as únicas guias medievais de peregrinos, de ai a sua enorme importancia.
    Nas credenciais da via Künig poden verse as portadas das distintas edicións. A campaña da credencial foi promovida polos 7 concellos que forman a via Künig dirixidos polo historiador Javier Gomez. Nos 7 concellos pode sellarse e recoller a credencial e tamen nos establecementos colaboradores que hai en cada concello. A finais de novembro, entre todos os peregrinos que a completen e envien os seus datos, farase un sorteos de productos artesanais orixinais da via Künig que sera levado a cabo pola asociación cultural via Künig.

DEIXAR UN COMENTARIO

Please enter your comment!
Please enter your name here