O Concello de Lugo e o Goberno de España asinaron este mércores a cesión deu n tramo de 2,6 metros de lonxitude da N-V en favor da Administración local, un feito que, segundo indicou a alcaldesa, permitirá que a cidade siga crecendo “de cara ao río“.
No acto, no que a rexedora lucense estivo acompañada polo delegado do Goberno en Galicia, Javier Losada, Lara Méndez quixo agradecer a “implicación e o traballo” do delegado coa cidade de Lugo.
Para a rexedora esta cesión vai permitir “seguir deseñando” a súa “estratexia de cidade“, a Muramiñae, para que a cidade de Lugo “continúe” crecendo.
A zona da cesión, que vai desde a ponte Branca ata a variante da Avenida das Américas, atópase no medio da zona Dusi. “Permitiranos continuar coas actuacións que xa están en marcha“, dixo a alcaldesa referíndose a a pasarela sobre a Nacional ou o paso subterráneo.
Ademais, esta cesión, permite adaptar o viario “ás normas municipais” o que fará avanzar “as actuacións” moito máis rápido. A intención da alcaldesa de Lugo é “seguir mellorando a cidade” e continuar “dinamizándoa para conectala co río Miño”.
Para o delegado do Goberno en Galicia, Javier Losada, tamén é “un día importante” e aínda que “dous quilómetros non parezan moito” para a cidade de Lugo, segundo indicou, “permitirán que se faga un Lugo máis grande” e que o Concello “continúe co proxecto ambicioso” de abrir “a cidade ao río“.
