InicioLugo e contornaLugoDiferencias entre PSdeG e BNG no Concello de Lugo a conta do...

Diferencias entre PSdeG e BNG no Concello de Lugo a conta do PXOM municipal

O pleno do Concello de Lugo aproba o 5% restante do PXOM cos votos de PSOE e PP e a oposición do BNG.

PUBLICADA O

- Advertisement -

O pleno ordinario do mes de xuño do Concello de Lugo sacou adiante a aprobación do 5% restante do Plan Xeral de Ordenación Municipal (PXOM), que contou cos votos a favor de PSOE e PP e coa oposición do BNG, socio de goberno dos socialistas. Ciudadanos abstívose.

Agora, tras esta decisión, será a Xunta a que teña que dar o visto e prace á nova redacción do Plan, para a aprobación dese 5% restante, un trámite que se prevé que estea listo antes de finais de ano, cando a cidade de Lugo podería contar coa totalidade do seu ordenamento.

O concelleiro de urbanismo, Miguel Couto, mostrou na sesión plenaria a súa intención de “mirar en positivo e cara ao futuro”, onde a redacción do Plan restante permitirá que “70 núcleos rurais” conten co seu “plan” e se poida construír entre “1.000 ou 1.500 vivendas” para familias lucenses na zona rural, cifrou.

A aprobación desta mañá saíu adiante grazas ao apoio do grupo municipal do Partido Popular. O seu portavoz, Ramón Carballo, dixo que esta decisión se tomou por “responsabilidade e coherencia”, aínda que deixaron claro que non se trata dun “aval” ao Partido Socialista, se non “un apoio claro aos lucenses que viven na zona rural”.

O BNG, socio de goberno dos socialistas, votou en contra da aprobación porque, como dixo o tenente de alcalde, Rubén Arroxo, apostan “por un modelo de cidade máis sustentable e acorde á realidade de Lugo”. O outro grupo político municipal, Cs, abstívose na votación.

Fontes do goberno municipal quixeron saír ao paso de posibles fisuras no acordo entre PSOE e BNG, deixando claro que a “única excepción” no acordo de goberno entre os partidos era a relativa á do Plan de Ordenación, onde habería “liberdade total” de voto.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...