InicioPolíticaIsabel Rodríguez estrearase mañá coma subdelegada do Goberno en Lugo

Isabel Rodríguez estrearase mañá coma subdelegada do Goberno en Lugo

A primeira muller neste cargo di asumilo "con moita ilusión" pero "un pouquiño asustada" – Terá que deixar a tenencia de alcalde de Viveiro

PUBLICADA O

- Advertisement -

A nova subdelegada do Goberno en Lugo, Isabel Rodríguez, deixará a tenencia de alcalde do Concello de Viveiro. A segunda de María Loureiro fará efectivo o movemento no vindeiro pleno do consistorio mariñán.

Rodríguez naceu en Baamorte, no termo municipal de Monforte de Lemos, e leva once anos como concelleira no municipio viveirense. Esta médica de profesión conta 62 anos e leva os últimos vinte e dous traballando en Viveiro. Falando das súas orixes, a nova responsable da subdelegación gubernamental na provincia conta que seus pais “eran labradores moi modestos e tiveron que emigrar ao estranxeiro para que puidese facer a carreira”.

De momento descoñece cando tomará posesión, aínda que foi citada para mañá a unha reunión co novo delegado do Goberno en Galicia, Javier Losada, na Coruña. “A partir de aí coñeceremos máis datos”, constatou Rodríguez.

Así, avanzou que terá que deixar de ser concelleira, e adianta que a súa saída do Consistorio de Viveiro, logo de once anos, producirase “no próximo pleno”.

ASUME O CARGO “CON MOITA ILUSIÓN”

Rodríguez asume o novo cargo de subdelegada “con moita ilusión” e “con moitas ganas de traballar”, aínda que non ten reparos en confesar que tamén “un pouco asustada”. “É algo novo para min, un novo reto na miña vida. É algo totalmente distinto do que é a miña profesión habitual e do que viña facendo até agora. Iso sempre, de entrada, asusta un pouquiño. Teño moitísima ilusión e ganas de traballar polos veciños da provincia”, asimila.

A que se converterá na primeira muller en dirixir a subdelegación do Goberno –incluídos anteriores gobernadores civís– en Lugo xa tomou contacto co aínda subdelegado, o popular Ramón Carballo, con quen se reuniu o pasado venres.

Isabel Rodríguez ten claro que cando tome posesión “os primeiros días irei e virei a Viveiro [onde reside]”, aínda que é “consciente” de que logo se terá que quedar na capital provincial.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...