InicioSociedadePrisión sen fianza para os dous detidos pola agresión sexual ocorrida o...

Prisión sen fianza para os dous detidos pola agresión sexual ocorrida o sábado en Lugo

Os axentes comprobaron que houbo dous varóns implicados na agresión sexual sucedida no barrio da Fervedoira.

PUBLICADA O

- Advertisement -

O xuíz decretou prisión provisional comunicada e sen fianza para os dous homes detidos en relación á violación ocorrida o pasado sábado en Lugo e aos que se lles imputa un delito de agresión sexual.

Así mesmo, segundo informaron fontes xudiciais, decretouse unha orde de afastamento e a prohibición de comunicarse coa vítima para ambos.

Os feitos ocorreron na mañá do sábado, cando despois de estar de festa durante a noite, os dous detidos -que carecen de antecedentes- e a vítima colleron un taxi para dirixirse ao domicilio deles, na Fervedoira. Unha vez alí, segundo as investigacións, ambos participaron na agresión.

DOUS HOMES IMPLICADOS

A primeira detención, a do home de 50 anos, produciuse de inmediato o mesmo sábado. Tras as manifestacións da vítima, que foi trasladada ao Hospital Lucus Augusti (HULA), os axentes personados no mesmo lugar dos feitos puideron verificar que participara no delito.

Posteriormente, no marco da investigación e a toma de declaracións por parte da Policía Nacional, os actuantes verificaron que o detido na mañá deste luns, outro home de 40 anos, estivera con eles na zona de copas, que os acompañou ata o domicilio e que tamén participou na agresión.

Este home, puntualizou a Policía, ausentouse do lugar dos feitos por cuestións persoais pero, unha vez contrastadas as declaracións, impútanselle os mesmos feitos.

A presunta agredida tivo que ser traslada ao HULA, onde os sanitarios a atenderon e trataron de tranquilizala. Alí tamén foi asistida por médicos forenses para realizarlle diversas probas, necesarias cando se trata dun caso coma este.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...