InicioMedioambiente e PatrimonioA Confederación Hidrográfica simplifica os trámites para as actuacións máis demandadas por...

A Confederación Hidrográfica simplifica os trámites para as actuacións máis demandadas por particulares

A Confederación Hidrográfica Miño-Sil aprobou unha relación de obras, actividades e uso de zonas de protección que non requirirían unha autorización administrativa previa. Iso si, seguirá sendo preciso comunicar a actuación ao organismo.

PUBLICADA O

- Advertisement -

A Confederación Hidrográfica do Miño-Sil (CHMS) aprobou unha instrución que posibilita reducir os prazos administrativos para a execución de determinadas obras, traballos e actividades non sometidas ao Regulamento do Dominio Público Hidráulico e que, por tanto, non requiren a tramitación dun expediente de autorización.

A vixente normativa de augas obriga a tramitar expedientes para o uso ou realización de actividades na zona de protección das canles fluviais, tanto no referente ao dominio público hidráulico como ás franxas laterais de protección. Porén, a CHMS entende que existen actividades e usos do chan de pequena entidade que, pola súa escasa relevancia ou o lugar no que se sitúan, puidesen non estar sometidas á obriga de obter autorización administrativa previa.

Así, a nova instrución inclúe unha relación dos distintos usos, obras e actividades que se poderían acoller a esta posibilidade. Serían, por exemplo, obras de mantemento ou reparación de edificacións que non supoñan graves alteracións; a colocación de peches diáfanos provisionais, pastor eléctrico, estacas de madeira de pouca altura; rozas puntuais ou extración de árbores caídas sobre as marxes ou cauces fluviais.

Non obstante, seguirá sendo preciso que a persoa interesada realice unha comunicación previa para a súa análise por parte da CHMS e, no seu caso, un pronunciamento favorable. Nese estudo valorarase a localización das actuacións, así como o traballo que se pretende realizar.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...