InicioSociedadeA Unión Federal de Policía ve "un desprezo máis" o traslado da...

A Unión Federal de Policía ve “un desprezo máis” o traslado da sala do 091 de Lugo á Coruña

O secretario deste sindicato policial considera que esta medida "non vai ser efectiva": "Haberá momentos en que ese operador da Coruña non saiba concretar a rúa onde se produzan os feitos", lamentan.

PUBLICADA O

- Advertisement -

O secretario en Galicia da Unión Federal de Policía (UFP), Miguel González, expresou que o traslado da sala do 091 de Lugo á Coruña é “un desprezo máis” da Dirección Xeral de Policía cara á cidade.

González asegurou “non” entender “os experimentos da Dirección Xeral da Policía, onde as comisarías de Lugo, Monforte e Viveiro pasan a depender, en canto a este servizo, da Coruña”. A continuación, deixou claro que esta medida “non é efectiva” para o motivo que se alega como xustificación, que é a de “querer pór máis axentes na rúa”.

González puntualizou que se trata dun “erro máis, porque haberá momentos en que ese operador da Coruña non saiba concretar a rúa onde se produzan os feitos“. “A criterio da UFP estes experimentos deberían probarse noutros sitios, non soamente en Galicia porque, desde logo, non vai ser unha medida efectiva”, lamentou.

“MALTRATO CONTINUO” Á CIDADE

O responsable deste sindicato policial en Galicia incidiu en que “se volve a maltratar á cidade de Lugo”. “Chócame que se maltrate permanentemente á cidade. Hai uns días saía o concurso de méritos, que son prazas para ocupar vacantes en Lugo, Viveiro e Monforte e é de risa porque son só dúas prazas de policía para Lugo. É de traca, por parte da dirección xeral e dos políticos que nos representan a Lugo e a Galicia. Só acoden a Lugo cando son as festas patronais“, recriminou.

Pola súa parte, a comisaría da capital da provincia conta con 170 axentes, pero González pon de manifesto que serían precisos outros 60 axentes máis ata completar un persoal de 230.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...