Lugo organízase en protesta pola libertade provisional da ‘Manada’

Convocada a manifestación contra a decisión xudicial este venres ás 20.00 horas en Lugo – Haberá protestas en Monforte, Viveiro e Burela

Cartaz con información das protestas convocadas para o venres 22 en resposta á decisión xudicial que deixa en liberdade provisional aos cinco integrantes da 'Manada', condenados a 9 anos de prisión por abuso sexual

O Movemento Feminista de Lugo convocou unha manifestación para este venres ás 20.00 horas en protesta pola libertade provisional dictada para os membros da ‘Manada’. A decisión da Audiencia de Navarra, baseada en que non existe risco de fuga nin reiteración delictiva, deixa en liberdade aos cinco condenados a nove anos de cadea por abuso sexual nos Sanfermíns de 2016 ata que pese sobre eles unha sentenza firme.

O auto, que decreta unha fianza de 6.000 euros para eludir a prisión provisional, a obriga de comparecer luns, mércores e venres ante os xulgados de garda, e a prohibición de entrar na Comunidade de Madrid, foi dictado por dous maxistrados contra o voto particular do presidente do tribunal; un voto particular que solicitaba o mantemento da prisión incondicional precisamente por risco de fuga e a gravidade do delito pola pena xa imposta, que non é firme.

Manifestación Lugo sentenza Manada
Imaxe da manifestación do 27 de abril contra a sentenza que condenaba á ‘Manada’ por abuso sexual, e non por violación | 8MGaliza

A decisión xudicial tivo onte reacción en Santiago de Compostela, Pontevedra, A Coruña, Ourense, Ferrol ou As Pontes. Este venres, diversas agrupacións feministas da provincia chaman a manifestarse en Lugo (20.00 horas, Praza Maior), Viveiro (20.00 horas, Praza da Fontenova), Monforte de Lemos (20.30, na Praza de España) e Burela (21.00 horas, diante do Concello).

DEIXAR UN COMENTARIO

Please enter your comment!
Please enter your name here