O Concello de Lugo reunirá este fin de semana no Vello Cárcere a expertos en atención a persoas maiores para abordar os retos de futuro que supón o envellecemento poboacional.
Será no marco do I Xornada de Traballo sobre a Atención Sociosanitaria a Persoas Maiores, que comezará o venres, ás 17:00 horas. Articularase arredor de catro mesas de debate sobre a atención á soidade, os trastornos neurolóxicos, os coidados extrahospitalarios e a dependencia.
A concelleira da área, Olga López, indicou que o obxectivo destas xornadas é avaliar “desde múltiples perspectivas” o funcionamento actual dos mecanismos e recursos empregados neste labor, así como o modo de melloralos e alcanzar unha boa coordinación.
AS PARTICIPANTES
Para iso, contarase coa participación de representantes de entidades como Cruz Vermella, Adace, Aspalu ou Afalu, pero tamén con profesionais do servizo de Xantar No Fogar, centros de día, traballadores sociais ou persoal sanitario. Esta primeira edición contará, ademais, cunha charla maxistral a cargo de José Antonio López Trigo, xeriatra, traballador do Concello de Málaga e expresidente da Sociedade Española de Xeriatría.
Máis de 5.000 maiores de 65 anos viven sós na cidade de Lugo