InicioSucesosDeteñen en Lugo un delincuente "extremadamente perigoso" e o arresto remata con...

Deteñen en Lugo un delincuente “extremadamente perigoso” e o arresto remata con cinco axentes feridos

A Policía interviu logo de recibir unha chamada de socorro na que se oía unha "voz moi baixa e tenue". Sobre o individuo constaban seis ordes de busca dende o pasado mes de agosto.

PUBLICADA O

- Advertisement -

Efectivos policiais detiveron en Lugo un delincuente “extremadamente perigoso” sobre o que constaban seis ordes de busca dende o pasado mes de agosto. No marco do arresto, cinco axentes resultaron feridos.

Os feitos sucederon na tarde deste mércores 22 de xaneiro. A sala operativa do 091 recibiu unha chamada na que “unha voz moi baixa e tenue reclama unha patrulla nun determinado domicilio da Avenida da Coruña“. A conversa cortouse de súpeto e a persoa non respondeu a posteriores chamadas realizadas desde dependencias policiais.

“Presumiuse que se podía tratar de persoas vinculadas a un perigoso delincuente que está a ser buscado dende hai tempo“, deduciu a Policía. Do mesmo xeito, tamén se trasladou información á UFAM ao ter indicios de que podía tratarse dun suceso relacionado con violencia de xénero.

Unha vez alí, a persoa alertante manifestou que a persoa buscada estaba no interior do domicilio, polo que os axentes tomaron “as debidas precaucións”. Os policías localizaron o individuo “escondido nun armario” e este abalanzouse “con gran violencia” cara aos axentes. Logo dun forte forcexeo, conseguiron inmobilizalo, pero no proceso resultou lesionada “de forma importante” unha policía da UFAM e outros catro axentes.

Segundo destacaron estas mesmas fontes policias, o detido “non deixou de inxuriar e ameazar de forma xeral aos policías, ás medidas xudiciais e en concreto ás mulleres, mesmo contra as dependencias policiais”.

ROMPEU AS VENTÁS DO COCHE

Unha vez introducido no vehículo policial, o detido “continúa coa súa actitude agresiva” e rompe as dúas fiestras do vehículo policial, polo que tivo que ser atendido polos servizos sanitarios. Posteriormente, foi levado a dependencias policiais.

Ao detido cónstanlle seis ordes pendentes por diferentes xulgados da cidade de Lugo, tanto de Instrución como do Penal, ademais das procuras policiais. “Tamén e proba do seu extremo perigo, é que a pesar da súa idade, 24 anos, xa atesoura 22 causas delituosas, destacando a violencia de xénero e doméstica”, concluíu a Policía Nacional.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...